譚旻萱Mandy獨愛環保四眼仔 ANSONBEAN為飲管武鬥餐廳阿姐

為宣揚減少使用一次性塑膠產品、對環境保護的重要，由香港新活力青年智庫與Eco Drive Hong Kong發起每年5月30日為香港無膠日，今年請來了譚旻萱（Mandy）與陳毅燊（ANSONBEAN）等新世代，拍攝全新的宣傳短片，帶出「不要膠下去」的環保訊息。

娛樂 • 法言人丨蔣祖曼硬朗外表掩蓋真性情 爭取時間陪仔女：相處似家姐

{{hket:ul-video id="8125"}}{{/hket:ul-video}}

Mandy在短片中化身健身室女神，見到多位肌肉型男士也不為所動，全因他們正在用塑膠水樽，最後她竟被樣子平平無奇，自備水樽的男士吸引。Mandy的角色要做出嫌棄靚仔肌肉男的表情，她笑說：「喺片入面要藐咀藐舌啲用膠樽嘅大隻佬，呢個係劇情需要嚟嘅，因為藐咀藐舌都需要用力，平時唔會咁做。希望大家可以盡量環保，自備水樽，出一分力。」

{{hket:inline-image name="1.jpeg"}}{{/hket:inline-image}}

ANSONBEAN所演繹的故事講述在茶餐廳中點餐，當伙計姐姐想將即棄飲管放入檸檬茶中之際，他馬上阻止，並跟阿姐一番「武鬥」。他對拍攝工作認真投入，並親自度好「打鬥」的招式、姿勢與節奏，連導演也被其創意與無窮活力嚇倒，並笑言：「ANSON真係好似馬騮仔，我認輸喇！哈哈。」

今次拍攝能夠滿足ANSON多個願望，他說：「好好玩，本身聽到要跳舞去格鬥，係有少少驚，要好認真咁去做有啲尷尬，但原來係用喜劇形式，變咗玩咁，因為杯檸茶係假嘅，就可以越做越誇張。我有少少似做咗武術指導咁，自己排埋動作，將之前喺越南Summer Jam Dance Camp學嘅，變咗做搞笑版功夫戲，就好似喜劇動作片，有少少成龍感覺，好好玩！」他認同「不要膠下去」十分重要，「膠係燒唔到整唔走嘅，所以要減少用，除咗對環境差，膠都會影響到人嘅荷爾蒙，影響未來嘅生育。我自己都會用少啲膠嘅餐具，盡量自備水樽斟水，大家都應該一齊減少用膠。」

撰文︰娛樂組

圖片來源：大會提供